Преноксдиазин
Преноксдиазин (Либексин, Libexin) — жөтелге қарсы дәрілік зат.
Құрамы[өңдеу | қайнарын өңдеу]
Бір 100 мг таблетканың құрамында:
- белсенді зат – преноксдиазин гидрохлориді 100,00 мг
- қосымша заттар – глицерин, магний стеараты, тальк, поливидон, жүгері крахмалы, лактоза моногидраты.
Фармакологиялық қасиеттері[өңдеу | қайнарын өңдеу]
Фармакокинетикасы[өңдеу | қайнарын өңдеу]
Әсер етуші заттар асқазаннан жылдам және жақсы сіңеді. Қандағы ең жоғары деңгейіне қабылдағаннан кейін 30 минуттан соң жетеді, ол кезде, қан плазмасындағы терапиялық деңгейіне 6-8 сағат аралығында жетеді. Орташа алғанда, преноксдиазин алғашқы сағатта қан плазмасының ақуыздарымен 55-59% байланысады. Жартылай шығарылу кезеңі 2,6 сағат. Қабылданған дозаның ең көп бөлігі бауырда метаболизденеді, шамамен ⅓ бөлігі өзгермеген түрде бөлінеді, препараттың қалған бөлігі төрт метаболит түрінде бөлінеді. Препараттың организмде метаболиздену процесіне оны қабылдағаннан кейін алғашқы 12 сағатта өт сөлінісі маңызды рөл атқарады. Енгізілген дозаның 93% 24 сағатта организмнен шығады, қабылдағаннан кейінгі 72 сағат бойына 50%-74% нәжіспен және 26-50% несеппен шығарылады.
Фармакодинамикасы[өңдеу | қайнарын өңдеу]
Препараттың жөтелге қарсы әсері бірнеше механизммен іске асады. Тыны салу жолдары шырышты қабаттарының шеткергі сезімтал рецепторлары қозғыштығының төмендеуі салдарынан препарат жергілікті жансыздандырғыш әсер етеді. Өкпе қысымының қозғыштығын төмендету жолымен препарат тікелей бронхолитикалық әсерді туындатады (тарылған бронхты босаңсытады). Препарат сонымен қатар аз дәрежеде жөтелу орталығының белсенділігін төмендету салдарынан тыныс алудың күйзелуін туындатпастан орталық әсер етеді. Әдеттенуді және дәріге тәуелділікті туындатпайды. Тыны салу қызметін жеңілдетеді және қақырық бөлінуіне әсер етеді. Жөтелге қарсы әсері 3-4 сағатқа жалғасады.
Қолданылуы[өңдеу | қайнарын өңдеу]
- Тыныс алу органдарының жедел және созылмалы ауруларында, көбінесе трахеобронхитте, бронхитте, ларингитте, фарингитте, туберкулёзде, өкпе ісіктерінде, идиопатиялық өкпе фиброзында жөтелді емдеу (ең бастысы құрғақ, ұзаққа созылған жөтелді)
- Жүрек ауруы бар науқастарда тыныс алудың пароксизмальді қиындауымен байланысқан түнгі жөтелді емдеу
- Плеврит, пневмоторакс және плевропневмония кезінде жөтелді емдеу
- Емделушілерді бронхоскопиялық немесе бронхографикалық зерттеуге дайындау
- Суық тию аурулары кезінде қақырық түспейтін жөтелді (ұйықтар алдында, қысқа курспен) емдеу
Қолдану тәсілі және дозалары[өңдеу | қайнарын өңдеу]
Ересектерге арналған орташа доза күніне үш немесе төрт рет 100 мг-ні құрайды (1 таблеткадан күніне 3-4 рет), едәуір күрделі жағдайда доза 200 мг-ге дейін үш-төрт немесе 300 мг-ге дейін күніне 3 ретке дейін арттырылуы мүмкін (2 таблеткадан күніне 3-4 рет немесе 3 таблеткадан күніне 3 рет).
Балаларға арналған орташа доза жасы мен дене салмағына байланысты тиісінше төмен болады. 14 айлық балаларға (немесе дене салмағы 10 кг) ұсынылатын доза күніне үш-төрт рет 25 мг-ні құрайды (таблетканың төрттен бір бөлігі). 15 айдан бастап 6 жасқа дейінгі балаларға (немесе дене салмағы 10-20 кг) ұсынылатын доза күніне үш рет 50 мг-ні құрайды (жарты-таблетка).
Бронхоскопияға әзірлеген кезде дене салмағының әр келісіне 0,9 - 3,8 мг дозаны емшара басталғанға дейін 1 сағат бұрын 0,5 - 1 мг атропинмен біріктіреді.
Балаларға арналған ең жоғарғы бір реттік доза – ½ таблетка, ересектер үшін – 3 таблетка. Балаларға арналған ең жоғары тәуліктік доза – 2 таблетка, ересектер үшін – 9 таблетка.
Жағымсыз әсерлері[өңдеу | қайнарын өңдеу]
- Сирек: ауыздың немесе тамақтың кебуі, аллергиялық реакция
- Шамамен 10% жағдайлар байқалған: асқазанішек жолдары тарапынан (асқазанның ауыруы, іш қатуға бейім) бұзылулар, ол препаратты тағаммен бірге қабылдаған кезде кетеді.
Қолдануға болмайтын жағдайлар[өңдеу | қайнарын өңдеу]
- препараттың кез келген компонентіне жоғары сезімталдықта
- тыныс алу жолдарында сөліністің көп түзілуімен байланысқан жай-күйлерде
- операциядан кейінгі жай-күйде
- ингаляциялық наркоздан кейінгі жай-күйде.
Артық дозаланғанда[өңдеу | қайнарын өңдеу]
Емдеуден асатын дозаны қолданған кезде тыныштандырғыш әсер мен қажығыштық пайда болуы мүмкін, олар қабылдағаннан кейін бірнеше сағаттан соң ілезде басылады.
Шығарылу түрі[өңдеу | қайнарын өңдеу]
100 мг таблеткалар №20 ПВХ/алюминий блистерде.
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |