Пьезоэлектроника

Пьезоэлектроника (Пьезо және электроника) — пьезоэлектрлік эффект негізінде жұмыс істейтін аспаптар мен функционалдық құрылғыларды жасауды және іс жүзінде пайдалануды қамтитын электроника бағытының аты. Қатты дене физикасы саласындағы, сызықты электр тізбектерін талдау мен синтездеу жетістіктері, машиналық жобалаудың және планарлық технологияның дамуы арқасында көлемдік немесе беттік акустикалық толқындардағы интегралдық пьезоэлектрлік сүзгілер, ультрадыбысты кідірту тізбектері, амплитудалық, фазалық және жиіліктік детекторлар мен модуляторлар, пьезотрансформаторлар және т.б. пьезоэлектрондық құрылғьшар жасалады. Пьезоэлектрондық құрылғылардың қажетті функционалдық қасиеттерін, оларды пайдалануды және экономикалық тиімділігін қамтамасыз ететін басты элемент — пьезоэлектрлік вибратор (екі немесе көп ұштықты). Пьезоэлектроника құрылғыларында ультра-, гипердыбыстық толқындар және 10 кГц-тен 1,5 ГГцке дейінгі жиіліктер диапазоңдағы эл- магниттік тербелістер пайдаланылады.

Пьезоэлектрондық аспаптар радио-техника құрылғыларында, қашықты I байланыс техникасында, автоматты басқару жүйелерінде, есептеу техникасында және т.б. радиоэлектрондық жүйелерде кеңінен қолданылады.