Реактивтік турбина

Реактивтік турбина, жұмыстық дененің (сұйықтықтың тегеуріні, арыны, газдағы немесе будағы температура айырымы) потенциалдық энергиясының басым бөлігін жұмыстық доңғалақтың реактивті сопло пішіндес қалақшалы арнасында мех. жұмысқа түрлендіреді. Реактивтік турбинаны айналдырушы күш қалақша арналарындағы жұмыстық дененің ағыны бағытын өзгерткенде пайда болатын актив күш пен сол арналарда жұмыстық дененің жылдамдығы өскенде пайда болатын реактивтік күштің қосындысынан құралады. Турбинада мех. жұмысқа түрленген толық энергияның реактивтік күш есебінен алынған жұмысқа қатынасы Реактивтік турбинаның реактивтік дәрежесі (r) деп аталады. Егер r-1 болса, онда турбина таза реактивті, ал r-0 болса, онда — активті деп аталады. Әдетте Реактивтік турбина деп реактивтік дәрежесі 50%-дан жоғары турбиналарды айтады.