Реалсаясат

Реалсаясат - [нем. Realpolitik] - саяси реализм мектебі шеңберінде қалыптасқан, мемлекет бейбітшілікті сақтауы үшін соғысқа дайындалуы қажет дейтін бағыт. Жұмсартып айтқанда, реалсаясат негізінде шын мәнінде нені өзгерте аласың, күшті соған жұмылдыру керек дегенге саяды, яғни қарсыластың, бәсекелестің декларациясындағы жазылғандарға емес, шынайы, нақтылы мүдделерін есепке алу. "Реалсаясат" ұғымын 1853 ж. неміс публицисі Людвиг фон Рошау енгізді. Реалсаясаттың негізгі идеясы да соған тиесілі. Ол былай деп жазды: "Шынайы саясат болашақтың тұманында емес, қазіргінің кеңістігінде. Ол идеалдарды аңсаудан емес, нақтылы мақсаттарға жетуден көрініс табады. Қандай жағдайда болмасын ол толық нәтижеге қол жеткізудің "ауылы алыс" жағдайда жартылай болса да нәтижелермен қанағаттанудан танылады".