Рига шығанағы

Gulf of Riga
Орналасуы	Europe
Coordinates	57.625556, 23.58472257°37′32″ с. е. 23°35′05″ ш. б.57.625556° с. е. 23.584722° ш. б.
Settlements	Riga, Jūrmala, Pärnu, Kuressaare, Salacgrīva, Saulkrasti, Ainaži

Рига шығанағы, Балтық теңізінің Эстония мен Латвия жағалауларында. Теңізден Моонзунд топаралы (Батыс Эстон) арқылы бөлінген және Ирбен, Сур-Вяйн, Вяйке-Вяйн, Муху, Соэла-Вяйн бұғаздарымен байланысқан. Ұзындығы 174 км, тереңдігі 67 м-ге дейін жетеді. Суының орташа температурасы жазда 18ӘС, қыста 0 — 1ӘС. Тұздылығы 3,5 — 6‰. Суы желтоқсаннан сәуірге дейін қатады. Рига шығанағына Даугава (Батыс Двина), Лиелупе, Гауя өзендері құяды. Жағалауы жазық, құмды келеді.

Ірі порты — Рига (Даугава сағасында). Шығанақта Рухну, Кихну аралдары; жағалауында Юрмала, Пярну шипажай қалалары орналасқан.

Сілтемелер

"Қазақ Энциклопедиясы", 7 том