Роза Қарпыққызы Бекмағамбетова

Роза Қарпыққызы Бекмағамбетова (26.7.1954 жылы туған, Қостанай облысы) – педагогика ғылым докторы (2007). Қостанай пед. ин-тының тарих-филол. факультетін бітірген (1975). Қостанай облысы Қостанай ауданындағы (1975–1976), Қостанай қ-ндағы (1976–1978) орта мектептерде мұғалім, оқу ісінің меңгерушісі (1978–1981), Қостанай пед. ин-тында оқытушы (1981–1982), ҚазПИ-де (қазіргі ҚазҰПУ) стажер-зерттеуші (1982–1984), аспирант (1984–1989), оқытушы, доцент, профессор (1989–2008) қызметтерін атқарды. «[[Қазақстанда бастауыш мектеп үшін мұғалім кадрларын даярлайтын оқу орындарының даму тарихы (1917–1991 ж.)]]» деген тақырыпта докторлық диссертация қорғады. Оның ғыл. жұмыстарының бағыты – бастауыш сыныптың болашақ мұғалімдерін дидактик. даярлау; жеткіншек ұрпақты тәрбиелеу мен оқытуды жетілдіру үрдісінің мәселелері; Қазақстандағы бастауыш сынып мұғалімдерін даярлайтын оқу орындарының қалыптасып, даму тарихы. Бекмағамбетова 70-тен астам ғыл. жарияланымның, оның ішінде 1 монографияның авторы.