Роза Әзімбекқызы Әбсәметова

Роза Әзімбекқызы Әбсәметова - 1949 жылы 5 сәуірде Жамбыл қаласында туған. Қазақ.

Әкесі - Исмаилов Әзімбек Исмаилүлы, марқұм, Социалистік Еңбек Ері, партия қызметкері болған. Анасы - Исмаилова Рашида Қадиқызы, зейнеткер, орыс тілі мен әдебиетінің мұғалімі болған. Мәскеу тоқыма институтының механика-технология факультетін бітірген (1971), инженер-технолог. «Нұр Отан» ХДП мүшесі. 1971 жылдан - Қарғалы шұға комбинатының шебері, 1973 жылдан - цех бастығы. 1975 жылдан - Алматы кілем фабрикасы техникалық белімінің аға инженері, 1977 жылдан - инженері; 1980 жылдан - тоқыма бөлімінің бастығы; 1984 жылдан - фабрика бас инженерінің орынбасары, 1985 жылдан - бас инженері. 1995 жылдан бері - «Алматы кілем» ЖШС директоры. Алматы қалалық мәслихатының 2-ші және 3-ші шақырылым депутаты (1999-2007), Алматы қалалық Өнеркәсіпшілер одағынан ұсынылған. ҚР Жеңіл өнеркәсіп кәсіпорындары қауымдастығының мүшесі. «Аруана» клубының мүшесі (2008 жылдан). «Құрмет белгісі» (1986), «Құрмет» (2005) ордендерімен; «Ерен еңбегі үшін» медалімен (2001) марапатталған.

Тұрмыс құрған. Жүбайы - Әбсәметов Сләм Құдысұлы (1947 ж. т.), ҚР ¥ҚК академиясы бастығының орынбасары. ¥лы - Санжар (1975 ж. т.), ҚР ¥ҚК офицері; қызы - Дана (1982 ж. т.), «Эйр Астана» АҚ заңгері.