Рубинштейн Антон Григорьевич
Антон Григорьевич Рубинштейн (28.11.1829, Мәскеу облысы — 20.11.1894, Ресей, Петергоф) — Ресей пианисі, композитор, педагог, дирижер. Рубинштейн Петербургтегі Орыс музыкалық қоғамының негізін салушы, директоры, дирижері және музыкалық кластарын ұйымдастырушы болды. Осы музыкалық кластар негізінде 1862 ж. тұңғыш орыс консерваториясы құрылды. Ол Ресейде алғаш пианистер мектебінің негізін салды. Лирико-романтикалық бағыттағы шығармаларында шығыс халқының сазды колоритін жиі пайдаланды. Ол 16 опера (“Дмитрий Донской”, “Демон”, “Нерон”, т.б.), оратория (“Жоғалған жұмақ”), 6 симфония, симфониялық поэма, музыкалық суреттемелер (“Иван Грозный”, “Дон Кихот”), фантазия (“Россия”), балет, оркестрмен бірге орындалатын 5 фортопьянолық концерт, 160-тан аса романс пен ән, т.б. музыкалық шығармалар жазды. Қазақтың опера және балет театрында “Демон” операсы қойылған (режиссер Б.Нұрпейісов). [1]
Пайдаланылған әдебиеттер: [өңдеу]
- ↑ Қазақ энциклопедиясы, 7 - том
 |
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |
 |
Бұл мақаланы Уикипедия сапа талаптарына лайықты болуы үшін уикилендіру қажет.
Мақаланы безендіру нұсқаулығына сәйкес көркемдеңіз.
|
