Рыскелді Сауданұлы

Рыскелді Сауданұлы (1888-1943) — Алматы облысы Кеген ауданының Тоғызбұлақ өңірінде өмірге келген. Туғаннан кейін қырық күн өткен соң көзі көрмейтіндігі белгілі болады. Табиғи дарынның арқасында көкірегі ояу, санасы сергек Рыскелді өсе келе әнші, ақын атанады. Ол өмірде болып жатқан құбылыстарға жете көңіл аударып, ел аузынан естігендерін өлең қып өрнектеп, әнге қосқан. Рыскелдінің «Жасасын мына Совет, жасатады», «Жамбылға», «Күлімханға», «О дүниеге барғанда» атты өлеңдері мен «Жайдарман», «Илигай, сәулем», «Жан қалқа» әндері сақталған. Ол кеңестік идеологияның солақай саясатына қарсы шыққандықтан, қудаланып, түрмеге қамалған. «Кіші Октябрь» дүрбелеңі кезінде амалсыз Қытай ауады. Алайда тағдырға мойынсұнбай, өнерден қол үзбеген.
Рыскелді тамыршы, көріпкел де болған адам. Өзінің дүниеден өтер күнін алдын-ала дәл айтқан ол 1943 ж. қайтыс болды..