Рәшит Тұрарұлы Ыбыраев

Рәшит Тұрарұлы Ыбыраев (1948 жылы т., Т.Рысқұлов атындағы аулы) – ғалым, тарих ғылымдарының кандидаты.

1992 – 1994 ж. халық депутаттары Шымкент облыстық Кеңесі атқару комитетінің төрағасы. Ташкент политехникалық институтын (1970), КОКП ОК жанындағы қоғамдық ғылымдар академиясын (1989) бітірген.

1970 – 1972 ж. Гидрогеология экспедициясында инженер-механик, Алматыдағы «Қызыл ту» фирмасында инженер-конструктор, комсомол комитетінің хатшысы,

1972 – 1976 ж. Қазақстан Жастар одағы Орталық Комитеті жанындағы республикалық комсомол мектебі оқу ісінің меңгерушісі, нұсқаушысы, жауапты ұйымдастырушысы, Орталық Комитеті бөлім меңгерушісінің орынбасары,

1976 – 1978 ж. Шымкент облысы комсомол комитетінің бірінші хатшысы болды.

1978 – 1980 ж. Түркістан қалалық партия комитетінің бірінші хатшысы,

1980 – 1986 ж. халық депутаттары Шымкент қалалық Кеңесі атқару комитетінің төрағасы,

1990 – 1991 ж. Шымкент облысы комитетінің екінші хатшысы,

1991 – 1992 ж. халық депутаттары Шымкент облысы Кеңесі атқару комитеті төрағасының орынбасары қызметтерін атқарды.

Дереккөздер

"Оңтүстік Қазақстан облысының энциклопедиясы"