Савай Джай Сингх

Махараджа Савай Джай Сингх Амбер ( кейінгі Джайпур ) патшалығын басқарды. Ол Кахваханың астанасы Амберде дүниеге келен. Әкесі Махарана Бишан Сингх қайтыс болғаннан кейін, 1699 жылы 11 жасында таққа отырды. Савай Джай Сингх өте білімді адам болған. Оның тарихтан, ғылымнан және математикадан көп хабары бар еді, Осы ақылы мен таланты үшін Моғол императоры Аурангзеб оған "савай", яғни "ғажап" деген атақ берген екен. Савай Джай Сингх күннің тұтылуы мен басқа да астрономиялық зерттеулер жүргізу мақсатында Дели, Матуре Уджайне, Варанам, Джайпур қалаларында бес обсерватория салдырды. Бұл ежелгі обсерваториялар әлі күнге шейін өз құндылығын жойған жоқ. Савай Джай Сингх Раджпуттан моғолдарды қуып шыққан Мевар және Марвар штаттармен одақ құрды. Маратханың әскери жасағына соққы берген соң (1714-1717жж) Джай Сингх Мальва жерінде алғашқы наменгерлік мәртебеге ие болды. Ол алыстан болжайтын мемлекет қайраткері ретінде танылды. Елде болуы мүмкін барлық саяси жағдайды алдын ала болжап отырады. Бұл көрегендігі оның Мальбадағы беделін одан сайын көтере түсті. Джай Сингх - ашвамедханы, яғни Веданың уағызы боцынша құрбандыққа шалу дәстүрін ұстаған алғашқы үнді билеуші.