Самотерий

Самотерий (лат. Samotherіum) — қазбадан табылған жираф тұқымдасына жататын сүтқоректі жануар. Самотерилер шамамен бұдан 5 — 10 млн. жыл бұрын тіршілік еткен. Денесінің ұзындығы 3 м-ге жуық, шоқтығына дейінгі биікт. 2 м-дей болған. Самотерилердің қазба қалдығы алғаш рет Эгей т-ндегі Самос аралынан табылған. Олар Батыс Еуропадан Қытайға дейінгі аралықтағы жазық жерлердегі ормандар мен Солт. Африкадағы саванналарда тіршілік еткен. Самотеридің қазақстандық түрі (S. іrtyshense) Павлодар облысында (Қаздар қонысы), Түлкісай және Қарабастұз қазба орындарынан жоғ. сармат, мэотис, понт шөгінділерінен табылған. Самотерилердің жираф тұқымдастарының эволюциясын тануда, Жердің шөгінді қабаттарының геол. жасын анықтауда маңызы зор.