Саяси қысым көрсету

Саяси қысым көрсету - азаматтық қоғам күштерінің мемлекеттік-өкіметтік құрылымдарға сан алуан мүдделерді жүзеге асыру мақсатында ықпал ету әдіс-тәсілдерінің жиынтығы. Саяси қысым көрсету субъектілері - азаматтық қоғамның өндірістік, конфессионалдық, этникалық, саяси және басқа мүдделерін білдіретін қысым көрсету топтары. Кермон, Мейн, Мунье сияқты зерттеушілердің пікірінше, саяси партиялар мен латенттік саяси күштер азаматтық қоғамның негізгі құрылымдық элементтері.

Қысым көрсету топтары саяси элиталардан ықпал етудің тікелей емес әдістерін қолдануына байланысты ерекшеленеді. Қысым көрсету топтары саяси шешімдерді қабылдауға немесе мемлекеттік саясатты өзгертуге өкіметтік билікке ие болмай-ақ ықпал етуге тырысады. Олар күтпеген, бірлескен болуы мүмкін. Қысым көрсету тәсілдері: ереуілдер, үгіт, сатып алу, т.б.

Саяси корпоративтіктің құрамдас бөлігі ретінде ол биліктік органдарға ықпал етудің барлық жолдарын қолданады: қажет заңдарды қабылдату, өз бағдарламаларын қаржыландыру мақсатында бюджетті қайта қарату, БАҚ сатып алу, т.б.