Сепкілгүл

Сепкігүл
	; Fritillaria montana
Ғылыми топтастыруы
Дүниесі:	Өсімдіктер;
Бөлімі:	Гүлді өсімдіктер;
Табы:	Дара жарнақтылар;
Сабы:	Liliales;
Тұқымдасы:	Liliaceae;
Кіші тұқымдасы:	Lilioideae;
Тайпасы:	Lilieae;
Тегі:	Fritillaria; L.
түрлері
	130-130 түрі белгілі

Сепкілгүл (ағылш. Fritillaria) – лалагүлдер тұқымдасына жататын көп жылдық жуашықты өсімдіктер тегі.

Дүние жүзінде солтүстік қоңыржай аймақтарда өсетін 100-ге жуық түрі, ал Қазақстанда далалық аймақтарда, шалғынды жерлерде, альпі және субальпі белдеулеріндегі тау баурайларында өсетін 5 түрі (шоғыр сепкілгүл, шатыраш сепкілгүл, ақшыл сепкілгүл, кіші сепкілгүл, орыс сепкілгүлі) бар.

Олардың биіктігі 15 — 50 см, жуашығы ұсақ, домалақ болады. Бұтақсыз сабағына жапырақтары кезектесіп немесе қарама-қарсы орналасады. Ірі гүлі дара не сабағының ұшында бірнешеу болады, түсі ақ, сары, қызғылт, қоңыр.

Гүлінің сыртын шырынды алты жапырақтан құралған гүл серіктері қоршап жатады. Сәуірден маусымға дейін гүлдеп, жеміс салады.

Жемісі — алты қырлы, кейде қанатты қауашақ. Сепкілгүлдің гүлдері әдемі, сондықтан әсемдік үшін өсіріледі. Сепкілгүлдің бір түрі — ақшыл сепкілгүл Қазақстанның “Қызыл кітабына” енгізілген.^[1]