Сергей Николаевич Пацай

Сергей Николаевич Пацай
Жалпы мағлұмат
Туған күні	14 желтоқсан 1967 (1967-12-14) (56 жас)
Туған жері	Алматы, Қазақ КСР, КСРО
Азаматтығы	КСРО Қазақстан
Бойы	170
Позиция	шабуылшы
Клуб жайлы ақпарат
Клуб	Балмазуйварош
Қызметі	бапкер көмекшісі
Клуб карьерасы 1984—1986 СКИФ (Алматы) 60 (18) 1987—1989 Химик 65 (23) 1988 →  Қайрат 0 (0) 1990 Алга 34 (15) 1991 Нефтяник (Фергана) 36 (4) 1992 Шахтёр 4 (1) 1992 Заря (Луганск) 3 (0) 1992—1993 Ниьиредьхаза 4 (1) 1993 Алкалоида 2 (0) 1993—1994 Хайдунанаш 19 (4) 1994—1995 Казинцбарцика 18 (5) 1995 Цесна 26 (10) 1996 Қайрат 21 (7) 1997 Шахтёр 15 (0) 2000—2001 Захонь 24 (1) Ұлттық құрамы 1996  Қазақстан 2 (0) Бапкерлік карьерасы 2004—2009 Божик (мол.) 2015— Балмазуйварош асс

Сергей Николаевич Пацай (14 желтоқсан 1967, Алматы, Қазақ КСР, КСРО) — кеңестік және қазақстандық футболшы, шабуылшы. Кейін жаттықтырушылықпен айналысты.

Карьерасы

Клубтық

Карьерасын 1985 жылы СКИФ клубында бастады. Тұңғыш ойынын 1985 жылы 21 сәуірде "Спартак Семей" клубына қарсы өткізді. 18 мамырда тұңғыш голын "Ақтөбе" қақпасына соқты. Бұл ойында СКИФ 2:0 есебімен жеңіске жетті. 1987 жылы "Химикке" ауысты.

1988 жылдың екінші жартысында "Қайратқа" жалға берілді. Бірақ негізгі құрамдағы Юрий Найдовский, Евстафий Пехлеваниди, Виктор Карачун тұрғанда бұған орын тимей, тек КСРО футбол федерациялары кубогында ғана ойнады, екі рет алаңға шығып, бір гол соқты. 1989 жылдың басында "Химикке" қайта оралды.

Кейін КСРО чемпионатында "Алға" (Фрунзе), "Нефтяник" (Ферғана) клубтарында және Қазақстан, Украина, Мажарстан чемпионаттарында ойнады.

Ұлттық құрама

1996 жылы 5 шілдеде Катарға қарсы матчта Азия кубогы іріктеуінде тұңғыш рет Қазақстан ұлттық құрамасы сапында алаңға шықты. Бұл ойында қазақстандықтар 0:3 есебімен ұтылды. Бір аптадан соң осы циклдегі тағы бір матч — Сирияға қарсы ойында да ойнады, бұл ойында қазақстандықтар тағы ұтылды — 0:1. Бұдан соң Пацай құрама сапында ойнамады.

Жеке өмірі

Мажар қызына үйленген, үш қызы бар.

Сілтемелер

• Профилі