Серік Имансерікұлы Нүсіпбеков

Серік Имансерікұлы Нүсіпбеков

Серік Имансерікұлы Нүсіпбеков

1949 жылы 24 ақпанда Талдықорған облысы Бөрілітөбе ауданының Матай стансасында туған. Қазақ.

Әкесі - Нүсіпбеков Имансерік (1903-1983), теміржолшы, ҰОС ардагері болған. Анасы - Нүсіпбекова Жамбы (1916 жылы туған) , зейнеткер, сатушы болып жұмыс істеген, «Құрмет белгісі» орденімен марапатталған.

Еңбек Қызыл Ту орденді Ташкент теміржол көлігінің инженерлері институтының «Теміржол көлігіндегі автоматика, телемеханика және байланыс» факультетін (1977); Қазақстан менеджмент, экономика және болжау институтының «Әлеуметтік-саяси қатынастар теориясы» факультетін (1993) бітірген.

Экономика ғылымдарының кандидаты (2002). Кандидаттық диссертациясының тақырыбы: «Қазақстан Республикасының теміржол көлігінің құрылымдық бөлімшелерін реформалау: проблемалары және оларды шешу жолдары». Техника ғылымдарының докторы (2009). Докторлық диссертациясының тақырыбы: «Қазақстанның темір жолдарының сенімділігін басқару». Халықаралық көлік академиясының академигі (2003).

«Теміржол жолының сенімділігі» монографиясының (2007); «Рельстердің ресурсын арттыру тәсілдері» көмекші оқу құралының (2007); 75 мақаланың, оның ішінде «Ағаш шпалдардың сенімділігін бағалау» (2003), «Теміржол жолына қатысты сенімділік теориясының негізгі түсініктері» (2003), «Теміржол жолындағы рельстердің тезімділігін пайдалану» (2003), «Рельс шаруашылығының қазіргі заманғы техникалық жағдайы» (2003), «Теміржол жолындағы рельстердің пайдалану төзімділігі» (2003), «Бекітулерді жетілдіру мен пайдаланудың перспективалары» (2003), «Тасымалдау үдерісінің кешендік көрсеткіштері» (2005), «Қалпына келтірілмейтін резервтелген және резервтелмеген жүйелердің сенімділігін есептеу» (2005), «Теміржол көлігіндегі тасымалдардың функционалдық қауіпсіздік стратегиясының мәселелері» (2005), «Теміржол тасымалдарының кепілді қауіпсіздігін қамтамасыз ету стратегиясының негізгі міндеттері» (2005), «Жарықтары бар рельстердің сенімділігі» (2005), «Қалпына келтірілетін нысандардың сенімділік көрсеткіштері» (2005), «Теміржол көлігіне арналған сенімділік теориясының негізгі түсініктері» (2005), «Шпалдардың көлденеңнен жылжуына кедергінің анықтамасы» (2006), «Қалпына келтірілмейтін нысандардың істен шықпау керсеткіштері» (2006), «Сенімділік теориясының негізгі түсініктері» (2006), «Теміржол жолының жоғарғы құрылымының қызмет ету сапасын бағалау» (тең авторлықта, 2007), «Бекітулердің салыстырмалы полигондық сынақтары» (тең авторлықта, 2008), «Рельс бекіністерінің сенімділігін бағалау» (2008) мақалаларының авторы.

Қазақ және орыс тілдерін біледі.

«Нұр Отан» ХДП мүшесі (2001 жылдан).

1968 жылдан - Матай стансасындағы 14-ші дабыл беру және байланыс дистансасының электр монтері. 1970 жылдан - Алматы қаласындағы теміржол көлігі техникумының нұсқаушы-оқытушысы. 1972 жылдан - Кеңес Әскерінің қатарында қызметте. 1974 жылдан - Алматы қаласындағы теміржол көлігі техникумының арнайы пәндер оқытушысы, комсомол комитетінің хатшысы. 1978 жылдан - Үштөбе қаласындағы Қазақстан Компартиясының Қаратал аудандық комитетінде ұйымдастыру бөлімінің нұсқаушысы, партия комитетінің хатшысы. 1979 жылдан - Алматы қаласындағы теміржол көлігі техникумының бөлімше меңгерушісі. 1985 жылдан - Алматы қаласындағы локомотивтердің машинистері мен ДОБ электр механиктерін дайындайтын жол-техникалық мектебінің бастығы. 1989 жылдың Талдықорған қаласындағы «Қазаккумулятор» ӨБ партия комитетінің қызметінен босатылған хатшысы. 1990 жылдан - ҚазКСР Халыққа білім беру министрлігі Арнайы орта» білім Бас басқармасының бас маманы.

1991 жылдың наурыз айынан бері - Алматы кинотехникумының директоры (қазір - Алматы мемлекеттік политехникалық колледжі).

«Құрмет» орденімен (2009); «Қазақстан Республикасының тәуелсіздігіне 10 жыл» (2002) мерейтой медалімен; Ы. Алтынсарин атындағы медальмен (2007); «Қазақстан Республикасы Ағарту ісінің үздігі» (1993), «Кинематография үздігі (1994), «Қазақстан Республикасы білім беру саласының Құрметті қызметкері» (2009) төс белгілерімен марапатталған.

Саяси қайраткер ретіндегі идеалы - Н.Ә. Назарбаев.

Қазақстанның болашағы туралы болжамы - «Қазақстан Республикасының гүлденуі, ел экономикасының тұрақтануы және Қазақстан халқының әл-ауқатының артуы».

Хоббиі - ат спорты, аңшылық.

Сүйіп оқитын әдебиеті - тарихи, техникалық және заң тақырыбына жазылған әдебиеттерді оқу.

Үйленген. Жұбайы - Тұрғынова Марияпану Бексапарқызы Ұлы - Нүсіпбеков Ержан Серікұлы; қыздары - Нүсіпбекова Гүлжан Серікқызы, Нүсіпбекова Айжан Серікқызы.