Серік Кенжебекұлы Сүлеймен

Серік Кенжебекұлы Сүлеймен - 1956 жылы 14 қаңтарда Орал облысы Жымпиты ауданының К. Маркс атындағы кеңшарында туған. Қазақ. Әкесі - Сүлейменов Кенжебек. Анасы – Сүлейменова Ағила. Еңбек Қызыл Ту орденді Қазақ ауыл шаруашылығы институтының агрономия факультетін (1979) ғалым-агроном мамандығы бойынша; Батыс Қазақстан инженерлік-технологиялық университеттің қаржы және несие факультетін (2004) экономист мамандығы бойынша бітірген. Қазақ және орыс тілдерін біледі. «Нұр Отан» ХДП мүшесі.

• 1979 жылдан - Орал облысы Жымпиты ауданының «Бұлдырты» кеңшары №2 бөлімшесінің агрономы, аға экономисі.
• 1985 жылдан - Жымпиты аудандықауыл шаруашылығы басқармасының бас агрономы, бастығы.
• 1987 жылдан - Орал облысы Жымпиты аудандық агроөнеркәсіп бірлестігінің төрағасы.
• 1992 жылдан - БҚО Сырым ауданы әкімшілігі басшысының бірінші орынбасары. 1997 жылдан - БҚО Қаратөбе ауданының әкімі.
• 2002 жылдан – БҚО Еңбек, халықты еңбекпен қамту және әлеуметтік қорғау департаменті басқармасының бастығы, директоры.
• 2007 жылдан бері - Батыс Қазақстан облысы әкімінің орынбасары. «Астана» (1998), «Қазақстан Республикасының тәуелсіздігіне 10 жыл» (2002), «Қазақстан Парламентіне 10 жыл» (2006) медальдарымен марапатталған. ҚР білім беру құрметті қызметкері (2002).

Әскери атағы - запастағы подполковник.

Үйленген. Жұбайы - Сүлейменова Тәрбие Сәпиятқызы, мұғалім. Қызы - Сүлейменова Айымгүл Серікқызы; ұлы - Сүлейменов Мирас Серікұлы.