Соқ, өтірікті соқты

Соқ, өтірікті соқты. Түсіндірме сөздігімізге қарап отырсақ, «соқ» етістігінің мағыналары алуан түрлі, бір басына жетерлік. Солардың бірі — бір нәрсені айту, зуылдату; көйіту. «Соқ өтірікті. Қорықпасаң өтші, кәнеки,— деді Темірхан» (М. Гумеров, Хазірет). Біздің тілімізде де «соқ» етістігінің өте ертеректе қазіргі кездегі «айт» «айту»» орнына қолданылғанын кейбір түркі тілдері мәліметіне қарап, көз жеткізуге болады. Мысалы, тува тілінде «чугаа», якуттарда «саңар» дыбыс құрамындағы сөздер біздегі «айту» мағынасын түсіндіреді.Осы деректерді еске алсақ, «өтірікті соқты» тіркесі «өтірікті айтты» дегенмен мағыналас.