Субэтнос

Субэтнос - [лат. sub - астында, грек, ethnos - халық] - этникалық топ, мәдени-тұрмыстық, тілдік тұрғыдан диалектикалық ерекшелігі бар этностың бір бөлігі. Субэтнос шағын аумақта орналасады. Консолидация нәтижесінде Субэтнос этностың негізгі бөлігімен бірігуі мүмкін. Субэтнос тілдік, мәдени, өзін-өзі сезіну тұрғысынан ерекшеленеді. Мұндай этнос мүшелерінің этникалық санасына қосақтылық тән: бір жағынан этносқа, екінші жағынан субэтносқа жататындығын сезіну.