Сыбызғы күйі

Сыбызғы күйі - сыбызғыда орындалатын музыкалықықалық шығарма. Бағдарламалық сюжетке құрылған "Бұлбұл", "Нар идірген", "Боз інген", "Ақсақ құлан", "Салауат", "Бәтима", "Мүңды қыз", "Кең жайлау", "Жоқтау", "Той бастар", "Аңшының зары", "Кеңес", т.б. күйлері қазақ халқының тарихы және өмірімен тығыз байланысты. Халық арасында Сабыр, Садық, Сармалай, Макар, Шерубай, Сүлеймен, Ы.Уәлиев, О.Қожабергенов, Ш.Ауғанбаев, т.б. атақты сыбызғышылардың есімі белгілі. Көбіне Сыбызғы күйі октава көлемінде, сазды болып келеді. Қазақстанның әр жерінде сыбызғының жасалуында, күйлерінде көптеген ерекшеліктері бар. Мыс., Шығ. Қазақстанда сыбызғы үш ойықты, Батыс Қазақстанда төрт ойықты түрінде кездеседі. Шығыс Қазақстан күйлері халық әндеріне жақынырақ болып келеді. Аспаптың жойылуымен бірге, көптеген Сыбызғы күйі де ұмыт қалған. Сыбызғы күйілерін орындаушылар кейде домбырашылардың арасында кездеседі.