Сыналар, ей, жігіттер, келді жерің (өлең)

«Сыналар, ей, жігіттер, келді жерің...» - Абайдың 1891 ж. жазған өлеңі.

1 шумақтан тұрады, барлығы 4 жол. Ақын туындыда жастарды талаптылыққа, ізденімпаздыққа, саналылыққа шақырады, ой қууға бастайды. «Дүниедегі жан құмарлық - білмекке құштарлық» екенін келісті жеткізіп, зердесіне құяды. Шығарма ақынның «Қара жер адамзатқа болған мекен» атты жұмбақ өлеңімен мазмұндас, үндес. Жұмбақ өлең 11 буынды қара өлең ұйқасымен жазылған. Ел аузынан жазылып алынып, алғаш рет ақынның 1933 ж. Қызылордада жарық керген толық жинағында басылды. Өлең басылымдарында текстол. ешқандай өзгерістер кездеспейді. Тек 1939, 1945 жылғы жинақтарда жұмбақтың аты «Сыналар, ей, жігіттер, келді кезің» болып берілген. Өлең қарақалпақ, ұйғыр тілдерінде аударылған.