Сүйемелдеуші күштер мен құралдар

Сүйемелдеуші күштер мен құралдар (поддерживающие силы и средства) — ұрыста (операцияда) негізгі міндеттерді шешетін құрлық әскерлері бөлімшелерінің (бөлімдері, құрамалары, бірлестіктерінің) мудделерінде жауынгерлік міндеттерді орындау үшін жоғарғы бастық тағайындаған бөлімшелер, бөлімдер, құрамалар. Сүйемелдеуші күштер мен құралдар қосымша берілген күштер мен құралдарға қарағанда өздерінің тікелей бастықтарының басшылығында бола тұрып, сүйемелденетін бөлімшелердің (бөлімдер, құрамалар, бірлестіктердің) командирлері (қолбасшыларымен) қойған жауынгерлік міндеттерді орындайды. Сүйемелдеуші күштер мен құралдарды тағайындау кезінде жоғарғы бастық қандай бөлімшелерді (бөлімдерді, құрамаларды, бірлестіктерді) сүйемелдеу қажеттігін, сүйемелдеу уақытын (мерзімін) немесе қандай жауынгерлік міндеттерді орындау кезінде сүйемелдеу қажеттігін, оқ-дәрі шығынын (әуе үшін — берілетін ұшу ресурсын) және алда тұрған жауынгерлік міндетті орындау үшін қажет басқа мәселелерді көрсетеді.