Сүт безінің дисплазиялары

Сүт безінің дисплазияларына мазоплазия, аденома, фиброаденома, фиплоидты фиброаденома, фиброаденоматоз, фиброзданатын аденоз және цистоаденопапиллома кіреді. Мазоплазия (синоним - мастолгия симптомы) үшін сүт безі бөліктерінің үлкеюі және олардың шығару өзектерінің ұшының пролиферациясы тән және қарқындылығы әртүрлі сүт безіндегі ауырсыну белгісі. Осылайша бөліктер пайда болады.

Аденома - эпителий құрылымының қатерсіз ісігі, ауырсынумен жүрмейді және қабыну процесстеріне бейім емес. "Таза" түрінде сирек кездеседі. Микроскопта бір-біріне ұқсас майда түтікшелерден тұрады, стромасы өте аз. Эластикалық консистенцияға және қозғалғыштық қасиетке ие. Фиброаденома без ұлпасы мен оның стромасының бірдей өсіп кетуімен сипатталады. Оның интраканаликуляры және периканаликулярлы түрлері бар. Филоидты фиброаденома без стромасының ерекше өсіп кетуімен сипатталады. Ол кейде өте үлкен , көлденеңі 15-20 см, ісікке айналады.

Фиброаденоматоз екі түрге: пролиферациаланбайтын және пролиферациаланатын болып бөлінеді.

Пролиферациаланбайтын- фиброаденоматоздың өзекті, бөлікті, кисталы және фиброзды түрлерін ажыратады.

Пролиферациаланатын- фиброаденоматоз без эпителиінің альвеола түрінде, өзек ішінде және аденома түрінде көбеюімен сипатталады. Фиброаденоматозда сүт безі үлкейіп, кесіп қарағанда өте қатты екендігі анықталады және кесіндінің беті жылтыр, көкшіл-ақ түсті болады.

Фиброзданатын аденоз-миоэпителийдің гиперплазиясымен және кейінірек без склерозымен ерекшеленеді.

Цистоаденопапиллома сүт безінде пайда болған торсылдақтардың ішіндегі эпителийдің бүртіктеніп өсіп кетуімен сипатталады.