Сәбит Сәуменұлы Тауланов

Сәбит Сәуменұлы Тауланов (29.8.1947 ж. т., Батыс Қазақстан облысындағы Жәнібек ауданындағы Жәнібек (Батыс Қазақстан облысы)на) – әскери қайраткер, генерал-майор (1994), тарих ғылымдарының кандидаты (1993). Орал ауыл шаруашылығына техникумын (1966), Ташкент жоғары жалпы әскери командалық училищесін (1969), жоғары офицерлер курсын (1977), Термез педагогикалық институтын (1978), Мәскеудегі әскери-саяси академияны (1985) бітірген.

1966 – 82 ж. КСРО ҚК-нің Түркістан және Ленинград әскери округтерінде қызмет етті. Ауғанстанда арнайы іссапарда болды (1979 – 82). 1985 – 88 ж.

Ленинград әскери округі штабы саяси бөлімінің бастығы,

1988 – 91 ж. Алматы жоғары жалпы әскери командалық училищесінде әскери-саяси бөлім бастығы болып істеді.

Қазақстан тәуелсіздік алғаннан кейін Мемл. ҚК-нің кадрлар басқармасының бастығы (1991 – 92),

ҚР Қорғаныс министрінің көмекшісі (1992),

ҚР Қорғаныс мин-нде кадрлар және әскери білім департаментінің бастығы (1992 – 99) қызметтерін атқарды.

1999 ж. демалысқа шықты. Тауланов 3-дәрежелі “КСРО Қарулы Күштерінде Отанға қызмет еткені үшін” орденімен, көптеген медальдармен марапатталған.