Талжанов көшесі (Алматы)

Талжанов атындағы көше. Көшеге қазақтың көрнекті жазушысы, әдебиет зерттеушісі, аудармашы, филология ғылымдарының докторы, профессор Сәйділ Омарұлы Талжановтың есімі (Алматы қаласы мәслихаттың 6.03.2008 №83 шешімі мен Алматы қаласы әкімдігінің 14.03.2008 №2/139 қаулысы) берілген. Талжанов Сәйділ Омарұлы (1906-1972) қазіргі Қарағанды облысы Нұра ауданында дүниеге келген. Абай атындағы Қазақ педагогикалық институтында, Қазақ ауыл шаруашылғы институттарында қызмет еткен. Ол С.Сейфуллиннің «Қызыл ат», Б.Майлиннің «Майдан» романын орыс тіліне аударып, орыс классиктері Н.В.Достаевскийдің, В.Г.Белинскийдің, М.Горькийдің еңбектерін қазақшаға тәржімалаған. Көше Әуезов ауданының «Қалқаман-2» шағынауданында орналасқан. Көшенін ұзындығы - 1200 метр.