Тарату (әскери іс)

Тарату (демобилизация) — қарулы күштер мен халық шаруашылығының соғыс жағдайынан бейбіт жағдайға көшірілуі.

Қарулы күштердің таратылуы соғыс уақытында құрьшған штабтар мен мекемелердің, әскери бөлімдер мен бірлестіктердің бейбіт өмір штаттарына дейінгі қалпына келтіріліп, қысқартылуынан, артық офицерлер мен сарбаздарды запасқа босатудан, жұмыддыру кезінде алынған техника мен мүліктерді халық шаруашылығына қайтарудан тұрады.

Әскери қызметшілердід соғыс біткеннен кейін Қарулы Күштерден босатылуы мемлекеттің жоғары органдарынын шешімімен жүзеге асырылады. Қарулы күштердің Таратуы — мемлекет істерінің әр түрлі салаларына әсер ететін күрделі процесс.

Кеңес Қарулы Күштері Азамат соғысынан кейін 1921 жылдан бастап 1924 жылға дейін жүргізілген Тарату процесінде 5,5 миллион адамнан 562 мың адамға дейін қысқарған еді. Ұлы Отан соғысынан кейін армия мен флоттан 8,5 миллионға жуык адам босатылды.