Тацит Публий Корнелий

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Gaius Cornelius Tacitus.jpg

Тацит Публий Корнелий (шамамен 56 – 117) – Рим тарихшысы. Жас кезінен бастап Римде әр түрлі қызметтер атқарды. 88 ж. претор болды. Ол қолбасшы Агриколаның өміріне арнап “Агрикола” (97 – 98), герман тайпаларының қоғамдық құрылысы, діни наным-сенімдері мен тұрмысына арнап “Германия” (98) атты шығармалар жазған. Соңғы еңбегінде бұдан 150 жыл бұрын жазылған Ю.Цезарьдың жазғандарын толықтырды. 102 – 107 ж. жазылған “Көсемсөз шеберлері туралы” деген еңбегінде бұрынғы дәстүрлі көсемсөз өнерінің Флавийлер әулеті тұсында саяси дағдарысқа ұшырағанын айтады. “Тарих” (105 – 111) деп аталатын еңбегі 14 кітаптан тұрды. Онда 69 – 96 жылдардағы Рим империясындағы оқиғалар баяндалған. Бұл шығарманың 1 – 4 және 5-кітабының бас жағы ғана қазіргі уақытқа жетті. Өмірінің соңғы кезеңінде жазған “Жылнамалар” атты тарихи еңбегі Римдегі 14 – 68 жылдар оқиғаларын қамтиды. Еңбек 16 кітаптан тұрды, оның 1 – 4 және 12 – 15 томдары ғана біздің заманға жеткен. Онда христиан тобы туралы жазылып, Израильден шыққан осы топтың Римді өртегені туралы баяндалады. Тацит өз еңбектерінде Рим империясының кемшіліктерін көрсете отырып, христиандықты аяусыз сынады.

Шығармалары:[өңдеу]

Летопись, ч. 1 – 2, перевод Кронеберга, М., 1858; Соч., т. 1 – 2, М.–Л, 1969.[1] [2]

Дереккөздер[өңдеу]

  1. Модестов В.И., Тацит и его сочинения, СПб, 1864;
  2. Гаспаров М.Л., Новая литература о Таците и Светони, “Вестник древней истории”, 1964, ғ2 (Рецензия).