Театр мерекесі

Театр мерекесі, театры думаны - белгілі бір тақырыпқа біріктірілген көркем бағдарламалар мен нөмірлерден тұратын концерттік ойын-сауықтар; көпшілік думаны. Ол қоғамдық мөні зор уақиғаларға немесе атаулы күндерге орай - әдетте ашық сахна мен стадионда, арена мен алаңда, парктегі тоған жағалауы мен аллеясында өткізіліп отырды. Театр мерекесінің ерекшелігі бүкіл өнер түрлерін өзара қабыстыру болып табылады. Оған режиссерлер, актерлер, ақындар, суретшілер мен музыкалықыканттар қатысып, өз өнерлерін ортаға салады. Оның тарихы Ұлы француз төңкерісінің көпшілік думанымен тікелей байланысты. Қазан төңкерісінің алғашқы жылдарынан бастап КСРО-ның әр түрлі қалаларында Театр мерекесі ұйымдастырыла бастады. 1930-жылдары өмірге келген театр концерті соғыстан кеііін кеңінен таралып, 1960 - 70 ж. өз алдына жеке концерт-сауық түрінде тұрақты орынға ие болды. Қазақстанда 1971 - 72 ж. Абай мен Жамбылдың 125 жылдығына арнайы Театр мерекесі ұйымдастырылды.