Тер бөртпе

Тер бөртпе (п о т н и ц а) — тым тершеңдіктен және оның өте баяу құрғауы салдарынан терінің зақымдануы. Күн жылыда қалың киіндірген емшектегі нәрестелер мен кішкентай балалардың терісі бөртіп кетеді. Ал ересектер денесіндегі бөртпе инфекциялықауруға шалдығып, қызуы көтеріліп ұдайы терлей бергенде, қыздырғыш компресс жасағанда, сондай-ақ денесі толық адамдарға пайда болады. Тер бөртпенің бір ерекшелігі — дененің көбіне шап, тақым, бөксе, емшек асты, қолтық асты сияқты жерлерінен, ішінара арқа мен мойыннан да шыға береді. Оның іріңді жараға айналатыны да болады.