Тыныштық Жұмаділқызы Қалдыбаева

Тыныштық Жұмаділқызы Қалдыбаева (1943 жылы) - социология ғылымдарының докторы, Шығыс Қазақстан Мемлекеттік Техникалық университетінің профессоры, Қазақстан ағарту ісінің үздігі. Семей педагогикалық институтының тарих факультетін бітіріп, тарих пәнінің мұғалімі мамандығын меңгерді. 1983 жылы тарих ғылымдарының кандидаты атағына ие болды. 2001 жылы "Мектепке дейінгі білімнің әлеуметтанулық тұжырымдамасы (Қазақстан Республикасының материалдары бойынша)" атты тақырыпта докторлық диссертация қорғады. Қалдыбаева 80-нен астам ғылыми еңбектің, соның ішінде 3 монографияның авторы.

• Білім әлеуметтануы. Алматы, 1997.
• Балабақша және өмір: Қазақстандағы мектепке дейінгі балалар ұйымдарының дамуының әлеуметтік мәселелері. Алматы, 1994
• Мектепке дейінгі білім институты: Әлеуметтанулық талдау (Қазақстан Республикасы бойынша). Саратов, 2000.
• Social problem of education in Kazakhstan. / Russian education and Society. Armonk, NY. 2001.
• Жастар әлеуметтануы мен жастар саясатының өзара байланыстылығы Жаһандану жөне әлеуметтік саяси бейімделу. Астана, 2005.

Қалдыбаеваның еңбектері қоғамның рухани өмірі, ғылым, білім, мәдениет саласына қатысты. Еңбектерінің басым көпшілігі мектепке дейінгі және мектеп жасындағы балалардың дамуының әлеуметтік мәселелеріне арналған. ТМД елдеріндегі мектепке дейінгі білім әлеуметтануы тереңінен негіздеу және дамыту арқылы Қазақстандағы білім әлеуметтануын дамытты. Әлеуметтанулық зерттеулерінде Қалдыбаева оның теориялық, методологиялық, эмпирикалық қырларын біртұтас қарай отырып, тұлғаның әлеуметтану процесін зерттеудің методологиялық мәселелеріне ерекше мән береді. Қалдыбаева мемлекеттің, рухани мәдениеттің әлеуметтанулық қырларын да қарастырады.