Уикипедия:Сыртқы сілтемелер

Уикипедия жобасынан алынған мәлімет
Мұнда ауысу: шарлау, іздеу


Лақап:
УП:СС

Уикипедиядағы мақалаларда Интернеттегі сыртқы дерек көздеріне сілтемелер орналасқан. Осы сілтемелердің көмегімен оқырман төмендегідей мүмкіндіктерге ие болады:

  • тақырып бойынша қосымша нақты ақпарат,
  • авторлық құқық немесе артық тәптіштеу негізінде мақалаға қосылмаған мәліметтер (мысалы, кәсіби спортшылар ойындарының статистикасы, кино және теледидар түсіру топтары жайлы толық ақпарат, сұхбаттың мағынасын ашу, онлайн оқу көрнекі құралдары),
  • мақаланың беделділігіне қатысы жоқ, қосылмаған басқа да актуальды және өзекті мәліметтер (мысалы,шолу және ақпарат).

Бірақ та, Уикипедия сілтемелер орналасқан каталог емес. Уикипедия бұл – энциклопедия. Уикипедияда белгілі бір тақырып бойынша толық сыртқы сілтемелер тізімін беру міндет болып саналмайды. Сондықтан мақалаға сыртқы сілтемелердің қосылуының белгілі бір негізі болуы қажет.

Осы нұсқауда мақалаға белгілі себептермен кірмеген қосымша мәліметтері бар дерек көздерінің сыртқы сілтемелері қаралған. Осындай жағдайларда мақалаға кірмей қалған мәліметті дерек көзін негізге ала отырып жаңадан қарастыруға болады. Уикипедиядағы мақалалар оқырманды толыққанды ақпаратпен қамтамасыз ете білу қажет. Сыртқы сілтемелерді қолдану және дәйектеу жайлы нұсқау Уикипедия:Сенімді дереккөздер, Уикипедия:Тексерілуі, Уикипедия:Дереккөздерге сілтеме атты беттерде берілген.

Алдын ала ескертулер

  • Қазіргі нұсқауларда мақаланың тиісті жерлерінде орналастырылатын сілтемелер мен ескертпелер жайлы мәселелер қарастырылмайды.
  • Қазіргі нұсқауда Уикимедиа қорының өзге жобаларына, Уикипедияның шетел тілдегі мақалаларына қатысты сілтемелер қарастырылмайды. Себебі мұндай сілтемелер «сыртқы» болып саналмайды.
  • Сыртқы сілтемелерді мақала мәтінінің арасында орналастыру тиімді болып есептелмейді (осы талап әсіресе тізім ретінде берілген мақалаларға қатысты). Қажетті сыртқы сілтемелерді тек қана мәтін соңындағы арнайы тарауда немесе ақпараттық және навигациялық шаблондар арасында орналастыруға болады.
  • Сыртқы сілтемелердің саны көп болмауы тиіс. Егер мақалада сыртқы сілтемелер орналастырылмаса немесе саны жағынан аз болса, бұл жағдай сілтемелерді қосуға себеп болмауы керек.
  • Мақалада бір сайттың түрлі беттерінің сілтемелерін орналастыру тиімді болып саналмайды. Толық қосымша ақпаратпен қамтамасыз ете алатын, қолданушыға өздігінен сыртқы сілтемеге бағдар бере алатын, мақаладағы тақырыпқа тікелей байланысы бар сыртқы сілтемені таңдау қажет.

Шектеулер

Уикипедияның саясаты мен техникалық ерекшелігіне байланысты, төмендегі берілген вебсайттарды сыртқы сілтемелер ретінде қолдануға болмайды (бұл шектеулер бұзылмауы тиіс):

  1. Локальды және жаһанды спамдар тізіміне кірген сайттар. Осындай сайттарға сілтемелер мақалаға орналасса, автоматты түрде Уикипедия кодымен бұғатталады. Егер осындай түрдегі сайттарды кіргізуге қажет болса, Уикипедия:Спам тізімді өзгерту бетінде талқылауға болады.