Федералист жазбалары

1788 жылғы басылым

Федералист жазбалары (ағылш. The Federalist Papers) — АҚШ Конституциясын жақтайтын эсселер жинағы.

Мақалалар 1787 жылдың қазан айынан бастап 1788 жылдың тамызына шейін нью-йорктік The Independent Journal мен The New York Packet газеттерінде жарияланып тұрған. Барлығы 85 мақала шыққан. Авторы Publius деп көрсетілген болатын.

Кейін 1788 жылы «Федералист» деген атаумен жеке басылым болып жарияланды. Шын мәніндегі авторлары атақты саясаткерлер Александр Гамильтон (51 эссе жазған), Джеймс Мэдисон (29 эссе) және Джон Джей (5 эссе) болды.

Мақалалардың мақсаты жаңа мемлекеттің бірыңғай конституциясын мақұлдауға шақыру болды.

1787 жылдың 17 қыркүйегінде қабылданған АҚШ Конституциясын алғаш болып Делавэр штаты мақұлдады. Ратификация үдерісі одан сайын жалғасып жатты. Нәтижесінде 1789 жылдың 4 наурызында АҚШ Конституциясы күшіне енді. Бұл мемлекеттің үкіметін құруға жол ашты.

Тағы қараңыз

• Филадельфиялық конвент
• Федерализм