Фотосұлба

Фотосұлба - өзгертілмеген пландық аэрофотосуреттердің пайдалы ауданының жалпы нүктелері немесе бастапқы бағыттар бойынша монтаждау нәтижесінде алынған жергілікті жердің фотографиялық бейнесі. Фотослұлбаны жасап шығару аэросуреттерді далалық дайындауды және өзгертуді қажет етпейді, сондықтан аэрофототүсірістен кейін қысқа мерзімде жасалуы мүмкін. Фотосұлба дәл өлшеулерді қажет етпейтін әр түрлі іздестіру кезінде жергілікті жерді зерттеу үшін пайдаланылады. Фотосұлба масштабы аэрофототүсірістің масштабына тең болады. Бастапкы бағыттар бойынша құрастырылған фотосұлба дәлдігі бойынша контурлар арқылы құрастырылғаннан жоғары болады да, дәлденген фотосұлба деп аталады, бірақ оны жасап шығаруға әдеттегіге қарағанда көп уақыт кетеді.