Фудзияма

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Фудзи
Фудзияманың ғарыштан жасаған сурет

Фудзияма, Фудзи, Фудзисан (айн халқының тілінде Фусхи — от құдайы, жапонша сан — тау) — Хонсю аралының оңтүстік-шығысындағы әрекетті жанартау, Жапонияның ең биік жері (3776 м). Токио қаласынан оңтүстік-батысқа қарай 100 км-дей жерде. Базальтты және андезитті лавадан тұрады. Жанартау соңғы рет 1707 — 1708 ж. атқылады. Шыңы дұрыс конус пішінді, кратерінің тереңдігі 250 м-дей, оны 10 ай бойы қар жауып жатады. Беткейлерінде мәңгі жасыл ормандар, бұталы өсімдіктер өседі. Фудзи-Хаконе-Идзу ұлттық саябағының құрамына кіреді. Минералды бұлақтарға бай. Фудзияма — жапон елінің нышаны, жапондардың қасиет тұтатын тауы, оған жыл сайын ондаған мың адам көтеріледі. Туризм дамыған.

Сілтемелер[өңдеу]

Қазақ Энциклопедиясы, 9 том