Футбол добы

Уикипедия — ашық энциклопедиясынан алынған мәлімет
Навигацияға өту Іздеуге өту
Футбол добы

Футбол добыфутбол ойынында қолданылатын және параметрлері Футбол ережелерінің 2 Ережесі бойынша регламенттелетін сфера пішінді бұйым.

Сапасы мен параметрлері[өңдеу | қайнарын өңдеу]

  • сфера пішіндес болады;
  • теріден жасалады, қазіргі уақытта тек синтетикадан немесе басқа да жарамды материалдардан өңдіріледі;
  • шеңбер ұзындығы 70 сантиметрден (28 дюйм) аспайды және 68 сантиметрден (27 дюйм) кем болмайды. Доптың стандартты өлшемі 5 (ағылш. Size 5) болып келеді;
  • ойынның басталу сәтінде 450 граммнан (16 унция) ауыр және 410 граммнан (14 унция) жеңіл болмайды;
  • теңіз деңгейінде 0,6—1,1 атмосфераға (600—1100 г/см2) тең қысымға ие болады.

Өлшемдері[өңдеу | қайнарын өңдеу]

Футбол доптарының 5 стандартты өлшемі бар.

  • 1 Өлшем

Шеңбер ұзындығы 43 сантиметрден аспайды. Көбінесе жарнама мақсатында қолданылады.

  • 2 Өлшем

Максималды шеңбер ұзындығы 56 сантиметрден, ал массасы 283,5 граммнан аспайды. Көбінесе жарнама мақсатында және төрт жасқа дейінге балаларды үйретуге қолданылады.

  • 3 Өлшем

Максималды шеңбер ұзындығы 61 сантиметрден, ал массасы 340 граммнан аспайды. Бұндай өлшемді доптар сегіз жасқа дейінге балаларды жаттықтыру үшін арналады.

  • 4 Өлшем

Шеңбер ұзындығы 63,5—66 сантиметр, ал массасы 369—425 грамм арасында болады. Бұндай өлшемді доптар мини-футбол, яғни футзал үшін және жасы 12-ге дейінгі балаларды жаттықтыру үшін арналады.

  • 5 Өлшем

Бұндай өлшемді доптар ФИФА жалауы астында өтетін дүние жүзінде ұйымдастырылатын барлық ресми жарыстарда қолданылады. 5- өлшемді доптың шеңбер ұзындығы 68—70 сантиметр болса, салмағы 450 граммнан аспайды. [1].

Дереккөздер[өңдеу | қайнарын өңдеу]

  1. Футбол добының өлшедері Мұрағатталған 26 ақпанның 2010 жылы. (ағыл.)