Хабар (информатика)

Хабар (Сообщение; message) — 1) ақпараттың бейнелену формасы, яғни белгілі бір қатынас тілінің өрнегі (сөйлемі) болады; 2) таратқыш пен қабылдағыш арасында тасымалданатын ақпаратты ақпарат жүйесі мен оны қоршаған орта арасындағы алмасу бірлігі. Ол айтылымдар мен командалардан тұрады; жүйеде қабылданған тәртіп бойынша тасымалдануға дайындалған мәлімет, құрамында, әдетте, хабардың бастамасы және аяқталу белгісі болады; 3) коммуникацияда — бір құрылғыдан екінші құрылғыға жіберілген мәліметгер элементі; 4) программалық жасақтамаларда — программаның не операциялық жүйенің тұтынушыға берген мәліметтері; 5) Windows ортасында — операциялық жүйенің қолданбалы программаға белгілі бір оқиға жөнінде жіберген мәліметтері.