Халила Хабижанқызы Нұрғалиева

Халила Хабижанқызы Нұрғалиева 1957 жылы 2 желтоқсанда Гурьев қаласында туған. Қазақ. Әкесі - Ғұбашев Хабижан Бахтығалиұлы (1928-2002), «Құрмет белгісі» орденінің иегері, Қазақстан Республикасы қаржы қызметінің үздігі, Қазақстанның еңбек сіңірген экономисі. Анасы - Ғұбашева Сәния Өтегенқызы (1938 жылы туған), зейнеткер, Қазақстанның фельдъегерлік қызметінде жұмыс істеген. Шәкәрім атындағы Семей мемлекеттік қаржы институтының қаржы менеджменті факультетін бітірген (2000), экономист-қаржыгер. Қазақ және орыс тілдерін біледі. «Нұр Отан» ХДП мүшесі (2009 жылдан). 1977 жылдан - Гурьев облысы Балықшы аудандық қаржы бөлімінің аға бухгалтері. 1978 жылдан - Шевченко қалалық қаржы бөлімінің аға бухгалтері, аға экономисі, бөлім бастығының орынбасары. 1993 жылдан - Маңғыстау облыстық қаржы басқармасының бөлім бастығы, басқарма бастығының орынбасары, басқарма бастығының бірінші орынбасары. 2003 жылдан - Маңғыстау облыстық қаржы басқармасының бастығы. 2004 жылдан - Маңғыстау облыстық Экономика және бюджеттік жоспарлау департаментінің директоры. 2008 жылдан бері - Маңғыстау облыстық Экономика және бюджеттік жоспарлау басқармасының бастығы. «Ерен еңбегі үшін» (2007), «Астананың 10 жылдығы» (2008) медальдарымен марапатталған. Діни көзқарасы - мұсылман әдет-ғұрыптарын ұстанады. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Халқының тіршілік деңгейі жоғары, экономикалық дамыған мемлекет». Хоббиі - гүл өсіру. Сүйіп оқитын әдебиеті - орыс классикалық әдебиеті. Тұрмыс құрған. Жұбайы - Нұрғалиев Қабылжан Қабижанұлы (1952 жылы туған), Маңғыстау облыстық СГІИД орталығының бас дәрігері. қыздары - Нұрғалиева Самал Қабылжанқызы (1980 жылы туған); Нұрғалиева Анар Қабылжанқызы (1990 жылы туған); ұлы - Қабижан Роллан Қабылжанұлы (1981 жылы туған).