Халықаралық туризм және меймандостық университеті
| Халықаралық туризм және меймандостық университеті | |
| Ұраны: | |
|---|---|
| Қазақстанның бірегейлігін өзің таны, оны әлемге көрсет! | |
| Университет атауы | |
| Халықаралық атауы | International University of Tourism and Hospitality |
| Жалпы сипаттамасы | |
| Құрылған жылы | 2019 |
| Түрі | Мемлекеттік университет |
| Орналасуы | |
| Орналасқан жері |  Қазақстан
|
| Мекенжайы | Түркістан қаласы, Рабиға Сұлтан Бегім көшесі 14 "А" |
| Әкімшілік | |
| Ректоры | Шоқпаров Әлібек Жұмабекұлы |
| Негізгі көрсеткіштер | |
| Сайты | https://iuth.edu.kz/ |
өңдеу  |
|
Халықаралық туризм және меймандостық университеті — Түркістан қаласында ашылған халықаралық деңгейде туризм саласындағы мамандар дайындайтын жоғары оқу орны.
Тарихы[өңдеу | қайнарын өңдеу]
«Халықаралық туризм және меймандостық университеті» КЕАҚ Мемлекет басшысы Қ.Қ. Тоқаевтың тапсырмасы бойынша құрылды. Университетті құру Қазақстан Республикасының туристік саласын дамытудың 2019-2025 жылдарға арналған мемлекеттік бағдарламасында бекітілген. Мақсаты Қазақстан Республикасы Мәдениет және спорт министрлігінің 2020-2024 жылдарға арналған стратегиялық жоспарында жазылған және «туристік өнімдер мен қызметтердің сапасы мен қолжетімділігін арттыру» болды.
ҚР Үкіметінің 2019 жылғы 20 наурыздағы № 129 қаулысымен жарғылық капиталына мемлекет жүз пайыз қатысатын "Халықаралық туризм және меймандостық университеті" коммерциялық емес акционерлік қоғамы құрылды.[1]
2020 жылғы 25 мамырда «Қазақстан Республикасы Білім және ғылым министрлігінің Білім және ғылым саласындағы сапаны қамтамасыз ету комитеті» республикалық мемлекеттік мекемесі қызмет көрсету саласында кадрлар даярлау бағыты және жалпы дамудың пәндік мамандандырылған мұғалімдерін даярлау бағыты бойынша білім беру қызметін жүзеге асыруға №KZ05LAA00018250 мемлекеттік лицензия берді.
2020 жылдың 22 маусымында университет Білім сапасын қамтамасыз ету жөніндегі тәуелсіз агенттіктен халықаралық бастапқы институционалдық аккредиттеу туралы куәлік (І–А № 004) алды.
2022 жылғы 17 ақпанда ҚР БҒМ уәкілетті органы Университетке мемлекеттік бюджет қаражаты, ҚР жер қойнауын пайдаланушылардың қаражаты есебінен ғылыми және (немесе) ғылыми-техникалық қызмет конкурсына қатысуға құқық беретін № 000356 куәлік берді.
Университет 2021 жылдың желтоқсанында ҚР жоғары оқу орындарының арасында бірінші дүниежүзілік туристік ұйымның (United Nations World Tourism Organization) бекітілген мүшесі болды.
2023 жылдың қазан айының басында Университет Түркияның жоғары білім Кеңесі (Yükseköğretim Kurulu) мойындаған шетелдік жоғары оқу орындарының тізіміне енгізілді.[2]
Құрылымы[өңдеу | қайнарын өңдеу]
Университет құрамында 5 мектеп бар:
- Туризм мектебі
- Қонақжайлылық мектебі
- Дене шынықтыру және спорт мектебі
- Гуманитарлық мектеп
- Тілдер мектебі[3]