Хамит Қожабергенұлы Көбіков

Хамит Қожабергенұлы Көбіков(1916, Алматы облысы, Панфилов ауданы,Сарыбел ауылы - 8.1.1973, Алматы қаласы) - 2-дүниежүзілік соғысқа қатысушы, қатардағы жауынгер, зеңбірек командирі. Соғысқа дейін Басқұншы орталау мектебінде мұғалім болды. 1942 жылдан соғыс аяқталганға дейін майданда болды. Көбіков басқарған зеңбірек жау баскесерлерін Сталинград түбінде,Днепр мен Одер жағалауында, Берлин мен Прага көшелерінде талқандады. Киев қаласы түбінде Днепр өзенінен өту үшін қатты ұрыстар жүріп жатты. 23-гвардиялық моторлы атқыштар бригадасы артиллерия дивизионының кұрамында шайқасып жүрген Көбіковтің расчетінің алдында Кеңес әскерлерінің өткелден өтуіне бөгет жасап тұрған жаудың атыс орындарын жою міндеті тұрды. Алайда Днепр жағалауына берік бекініп алған жау оңай берілмеді. Кеңес әскерлері дегендеріне жетті. Көбіков қасындағы жауынгерлермен қарапайым сал жасап, оган зеңбірекгі тиеп, өзеннің оң жағалауына өтті. Көбіковтің расчеті осы ұрыста жаудың миномет батареясы мен бірнеше пулемет ұясын жойып, адам жағынан да едәуір шығынға ұшыратты. Одер өзенінен өтер кездегі ұрыста да Көбіков расчеті жаудың 3 танкісін, 30-ға жуық әскері мен офицерлерін жойып, 4 бронды машинасын істен шығарды. Осы ерліктері үшін Көбіковке КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (10.4.1945). Сондай-ақ ол 2-дәрежелі Отан соғысы және «Қызыл Жұлдыз» ордендерімен марапатталды. Соғыс аяқталған соң елге оралып, Қазақстан КП ОК жанындағы партия мектебін бітірді. Талдықорған облысы партия комитетінің нұсқаушысы, Қазақ мемлекеттік филармониясы директорының орынбасары, Қазақ КСР Мәдениет қызметкерлерінің республикалық кәсіподақ комитетінің хатшысы және төрағасы, Алматы нан саудасы басқармасының бастығы, «Тянь-Шань»астрономының директоры қызметтерін атқарған.