Хуарес Бенито Пабло
| Бенито Пабло Хуарес | |
| Туған күні | |
|---|---|
| Туған жері |
Гелатао-де-Хуарес, Сан-Пабло-Гелатао, Оахака штаты, Мексика, |
| Қайтыс болған күні | |
| Қайтыс болған жері |
МехикоМексика |
Хуарес Бенито Пабло (ис. Benito Juárez, 21 наурыз 1806 жыл - 18 шілде 1872 жыл) — Мексиканың мемлекет және саяси қайраткері, ұлттық батыры. Оахака қаласында діни семинарияны (1827) және заң мектебін (1833) бітірді. 1847-1852 жылдары Оахака штатының губернаторы болып, 1846-1848 жылдары Америка-Мексика соғысы кезінде солтүстік американ интервенттеріне қарсылық ұйымдастыруда үлкен роль атқарды. Санта-Ана диктатурасында қарсы күрес жүргізгені үшін елден қуылды (1853). 1854 жылы Мексикаға қайта оралып, либералдар армиясына кірді. Х.Альварестің реолюциялық үкіметінде (1855) заң және дін министрі. 1857 жылғы конституция және антиклерикалдық бірсыпыра заңдар авторларының бірі болды. 1858-1861 жылдары үкімет басшысы. 1861-1872 жылдары президент. Колумбия конгресі оны Америкаға еңбегі сіңген азамат деп жариялады.[1]
Дереккөздер[өңдеу | қайнарын өңдеу]
- ↑ Қазақстан. Ұлттық энциклопедиясы. Том 12