Хы чиңляң
Хы Чиңляң (8.8.1955 ж. т., Қытай, Гуандун провинциясы, Шинниң ауд.) — Қытай ғалымы, қазақ тарихын зерттеуші. Пекин Орт. Ұлттар ун-тін бітіргеннен кейін (1982), Шыңжаң Қоғамдық ғылымдар академиясының ұлттарды зерттеу ин-тында ғыл. қызметкер болды. Ол ерте замандағы этностардың байырғы наным-сенімдерін және қазақ халқының қандастық-туыстық жүйесін зерттеумен шұғылданады. Қазақтарды зерттеу барысында “Қазақ, қырғыз және қытай халықтарының туыстық атауларынан олардың ең байырғы туыстық жүйесін талдау” (1982), “Цинь патшалығы дәуірінде Алтайдағы қытай, қазақ және манчьжур тілінде жазылған бес құжаттың аудармасы және комментарийі” (1985), “Шекара және ұлт” (1998) (қазақтар жөнінде шағатай жазуында жазылған құжаттарды зерттеген) сияқты тың ғыл. еңбектер жариялады және Н.Мыңжанидың “Қазақтың қысқаша тарихы”, Ж.Мырзаханның “Қазақ халқы” атты ғыл. еңбектерін қытай тіліне аударды. Оған “Тотемнің келіп шығуы” деген ғыл. монографиясы үшін 1992 ж. Қытай ғылым академиясының сыйлық берілді.
Дереккөздер[өңдеу | қайнарын өңдеу]
«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, IX том
 | Бұл мақаланы Уикипедия сапа талаптарына лайықты болуы үшін уикилендіру қажет. |