Шайбалы хоккей

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Хоккей матчы
Хоккей қақпасы
A.
Хоккей қақпашысы

Шайбалы хоккей шайбамен мұз үстінде ойналатын командалық спорт ойыны. Шайбалы хоккейдің отаны — Канада. Канаданың табиғат жағдайы қазіргі хоккейдің дамуына үлкен әсер етті. 1879 жылы Монреаль университетінің студенттері хоккей ережесін жазды.

Тарихы[өңдеу]

1908 жылы Шайбалы хоккейден бірінші халықаралық турнир Францияда өтті әрі сол жылы халықаралық лига құрылды. 1910 жылы Шайбалы хоккейден Еуропа чемпионаты өтті. 1924 жылы қысқы олимпиялық ойындар бағдарламасына енгізіліп, 1930 жылдан әлем чемпионаты өткізіле бастады. Шайбалы хоккей командасы 17 — 20 адамнан құралады, бірақ бір мезгілде әр командадан 6 адам ойнайды, ойыншы ауыстыруға шектеу жоқ. Қазақстанда Шайбалы хоккей 1950 жылдан басталды. Алғашқы респуб. чемпионат Алматыда өтті. Оған республиканың 6 командасы қатысты. Өскемен хоккейшілері бірінші болып еліміздің аймақтық біріншілігіне (1958) жеңімпаз атанып, КСРО халықтарының қысқы спартакиадасына (1962), РСФСР біріншілігіне (1963), “Б” (1963) және (1965) “А” класының ойындарына қатысты. Тәуелсіздік алғаннан кейін Қазақстан құрама командасы қысқы Азия ойындарында 2 рет чемпион атанды (1996, Нагано, Жапония, 1998, Конгвон, Оңтүстік Корея), қыздар құрама командасы қысқы Азия ойындарының чемпионы (2002, Бусан, Оңтүстік Корея). Б.В. Александров, В.Н. Беляев, С.В. Дроздов, тағы басқа сынды мамандар Шайбалы хоккейдің республикамызда дамуына көп үлес қосты.

Ойын ережелері[өңдеу]

Шайбалы хоккей ойналатын мұз айдынының Ұзындығы 51 — 61 м, ені 24 — 30 м, айнала шетінің биіктігі 1,10 — 1,22 м етіп қоршалған алаң. Алаңның дәл ортасынан қызыл сызық (ені 30 см), әр қақпадан 18 м қашықтықтан көк сызық тартылады. Қызыл сызық алаңды екіге, көк сызық үшке бөледі. Көк сызықпен бөлінген алаңының екі шеткісін қорғаныс алаңы, ортаңғысын орталық алаң дейді. Қақпа сызығының дәл ортасына ені 183 см, биіктігі 122 см қақпа қойылады. Ойын үш кезеңде (әр кезең 20 мин.) өтеді. [1][2]

Сілтемелер[өңдеу]

Пайдаланған Әдебиет[өңдеу]

  1. Қазақ Энциклопедиясы , 9 том 18 бөлім
  2. Қазақстан - спортшылар елі. Энциклопедиялық анықтамалық. - Алматы: "Сөздік-Словарь". ISBN 9965-822-57-3