Шалғайдағы мал шаруашылығы

Шалғайдағы мал шаруашылығы - жыл маусымына сәйкес алыс жайылымдарға малды айдап-бағып өсіру. Бұл еліміздің шөл, шөлейтті, қуаң далалы өңірінде қой, жылқы, түйе өсіруде ежелден қалыптасқан тәсіл. Атырау, Оңтүстік Қазақстан, Жамбыл, Алматы облыстарында қыста алыс құмдағы жайылымға мал айдау кеңінен қолданылады. Сол мал айдалатын өңірге қора-жай салынып, жемшөп қоры дайыңдалады. Малшыларға үй салынып, тұрмыстық қажеттілігін өтеу қызметі ұйымдастырылады. Бұл осы өңірлердің табиғи жайылымдарын ұтымды пайдаланып, арзан мал шаруашылығы өнімін өндіруге жол ашады.