Шаруашылық құрал-жабдықтары

Қазақ халқының үй шаруашылығында қолданған құрал-жабдықтары,басқа да халықтар сияқты,өзінің тірлік-қаракетіне бейімделе жасалып, ғасырлар бойы еңбек процестерін жеңілдетіп ,өнімін арттыруға қызмет етіп келгені мәлім.Олардың байырғы кәсібі мал шаруашылығы мен егіншілік болғандықта, құрал-жабдықтың басым көпшілігі осы екі салаға арналған .Бұлардан басқа ұсталар мен зергерлер ,үйшілер мен сыршылар ,етікшілер мен өрімшілер,кестешілер мен тігіншілер ,өрмек тоқушылар мен ши ораушылар ,т.б. он саусағынан бал тамған шеберлер тұтынатын құрал-жабдықтардың да алуан түрі бар.Ас пісіріп ,дәм әзірлеуге арналған жабдықтар да жетерлік. Уақыт өте қазақ халқаның байырғы кәсібінің өндіріс тәсілдері де,үй тұрмысына да елеулі өзгерістер енді.Осыған байланысты үй шаруашылында қолданатын құрал-жабдықтар да өзгерді,дамыды,жаңаша түр алып жетілдірді.Сонымен бірге кейбір құрал-жабдықтар көнеріп қатардан шығып та қалды.