Шейх Ахмет Түркістани

Шейх Ахмет Түркістани, шейх Ахмет бин Пір Ахмет Түркістани (15—16 г.) — хаттат. Сауатын Түркістан медреселерінің бірінен ашып, Самарқандта оқуын жалғастырған. Одан кейін Гератта білім алған. 1508 ж. Hyp ад-Дин Абд ар-Рахман бин Ахмед Джамшидің (1414-1492) "Шауаһид ан-Нубууа ли-тақуйат йақин аһл әлфутуууа"—"Зиялы кісілердің (діни) сенімін (нанымын) нығайтудағы (Мухаммед) пайғамбардың елшілік миссиясының куәлігі" атты шығармасын көшірген. Өзгеріске ұшырамай, сол күйінше жеткен бүл туынды қазір Ташкенттің Қолжазба институтының қорында сақтаулы.