Шекарашылардың құқықтық жағынан қорғалуы

Шекарашылардың құқықтық жағынан қорғалуы. Шекара әскерлері мен Әуе шабуылына қарсы қорғаныс әскерлерінің, баска да қарулы құрамалардың әскери қызметшілері Қазақстан Республикасының Мемлекеттік шекарасын күзету жөнінде өздеріне жүктелген міндеттерді орындау кезінде мемлекеттік өкімет өкілдері болып табылады. Олардың талаптарын азаматтар мен лауазымды адамдар орындауға міндетті. Әскери қызметшінің талаптарына бағынбау, оған тіл тигізу, қарсылык көрсету, әскери қызметшіге қоқан-лоқкы жасау, оған күш колдану немесе оның өміріне, денсаулығына, мүлкіне қол сұғу, сондай-ақ әскери қызметшінің өзіне жүктелген міндеттерді орындауына бөгет жасайтын басқа да әрекеттер занда белгіленген жауапка тартылды. Қазақстан Республикасының зандарында әскери қызметші қызмет борышын атқаруына байланысты жасалған қылмысты қол сұғулардан әскери қызметшілердің отбасы мүшелерінің өмірін, денсаулығын, намысын, қадір-қасиетін және мүлкін құқықтық жағынан қорғау белгіленеді.