Шектеу сызықтары

Шектеу сызықтары (орыс. Разграничительные линии) — ұрыс міндетін қою кезінде аға командир анықтайтын жергілікті жердегі шартты сызықтар. Ол аралас құрамалар аудандарының шекарасы болып табылады. Шектеу сызықтары тылдан майданға бағытталып көрсетіледі. Берілген ауданда ұрыс әрекетін жүргізу үшін қарсы жақтардың біріне тактикалық (оперативтік, стратегиялык) маңызы бар, белгілі бір табиғи артықшылығы бар жолақ немесе жергілікті жер өңірі. Жергілікті жердің әр түрлі қатпарлары, заттар мен табиғи кедергілер (биіктік, жарлар, тау үстірттері, өзендер, елді мекендер, тоғайлар т.б.) шектеу сызықтары бола алады.