Шерім Ерманов

Шерім Ерманов (16.12. 1906, Алғабас ауданы – 16.12. 1987) – Социалистік Еңбек Ері (1966). Еңбек жолын Шымкент қаласында мектеп директоры болып бастап, Шымкент қалалық партия комитетінің хатшысы (1930 – 1931), ал 1931 – 1935 ж. Қарағанды облысы Нұра аудандық партия комитетінің бірінші хатшысы болды. 1938 ж. Мәскеудегі Тимирязев атындағы Ауыл шаруашылық академиясын бітірді. 1938 – 1940 ж. Қазақ КСР Жер жөніндегі Халық комиссариаты Мал шаруашылығы басқармасының бастығы, 1940 – 1942 ж. Оңтүстік Қазақстан облыстық партия комитетінің ауыл шаруашылығы бөлімі меңгерушісінің орынбасары, 1942 – 1951 ж. атқару комитеті төрағасының орынбасары, 1951 – 1969 ж. «Темір» кеңшарының директоры, 1970 жылдан Қазақтың қаракөл қойын өсіретін ғылыми-зерттеу институты директорының орынбасары қызметтерін атқарған. Ленин, Еңбек Қызыл Ту ордендерімен марапатталған. Шымкент қаласындағы бір көшеге есімі берілген, тұрған үйіне ескерткіш тақта орнатылды.

Дереккөздер

“Қазақ Энциклопедиясы”, 5-том