Шымыр бассейні

"Шымыр", Павлодар қаласының дене тәрбиесі - сауықтыру бассейні. 1991 жылы қазанында пайдалануға берілді. Бассейннің ұзындығы 25 м, 5 жүзу жолы бар. Әр жол ең аз дегенде 8 (5x8 = 40 адам), көп болғанда 10 (10х 5 = 50 адам) спортшыны өткізуге мүмкіндік бар. Қала бюджетінен есебінен салынды. Атлетикалық гимнастика мен үстел теннисі үшін бейімделген. ДШСБ " Шымырды" балалар үйлерінің тәрбиеленушілері, аз қамтылған отбасыларының балалары, спорт ардагерлері, сондай-ақ жетекші спортшылар жалпы дене дайындығы үшін ақысыз пайдалана алады. 1998 жылы осы бассейнде Президенттік көпсайыс бағдарламасы бойынша чемпионат, қалалық және облыстық деңгейдегі жарыстар өткізілді.