Шынболат Дербісәліұлы Дәленов

Дәленов Шынболат Дербісәліұлы (28 наурызда 1943 жылы туған, Қызылорда облысы, Қазалы ауданы, Қожабақы ауылы) – ауыл шаруашылық ғылымдарының докторы (1999), профессор. Алматы зоотехника-малдәрігерлік институтын (1971, қазіргі Қазақ ұлттық аграрлық университеті) бітірген. 

Ақмола облысы «Образцовый» кеңшарында жұмыс істеген (1959–62). Алматы зоотехника-малдәрігерлік институтында аспирант, ғылыми-педогогика жұмыстарымен айналысты (1971–79). Зооинженерлер факультеті деканының орынбасары, деканы (1979–83), дайындау бөлімінің (1983–89), зооинженерлер факультетінің деканы (1989–96) болды. 2001 жылдан бастап кафедра меңгерушісі қызметінде. Дәленовтың негізгі ғылым жұмыстарының бағыты Қазақстандағы сүтті ірі қара тұқымдарының селекция-генетика жолдармен және технологиялық тәсілдермен мал өнімдерін арттыру мәселелеріне арналған. Әулиеата сиыры тұқымының жоғары өнімді жаңа типін шығарды. Дәленовтың тоқсаннан астам ғылым еңбектің, 4 авторлық куәліктің, тағы да басқалардың авторы.